"Hmm. Hmm!" Hindi makapagsalita si Kylie dahil sa nakadikit na tape sa bibig niya. Nakagapos ang dalawa niyang kamay pati na ang kaniyang dalawang paa. Napakaimposibleng makatakas siya sa kamay ng malupit na lalaki.
"Ngayon na ang aking paghihiganti sa iyo. Nangako ka sa 'kin hindi ba? Sabi mo tutulungan mo ako pero tinakbuhan mo ako. Akala ko, ako ang tutulungan mo pero hindi, ang tinulungan ay iyong taong gustong-gusto mo na mahal na mahal din ni Ella," bulalas ng lalaki.
Lumapit ito kay Kylie at tinanggal ang tape na nakadikit sa bibig nito. "Parang awa mo na, pakawalan mo na ako. Patawarin mo ako sa ginawa ko, hindi ko sinasadya. Naawa lang kasi ako kay Ella, alam mo namang ayaw na ayaw niya sa 'yo, eh!" wika niya.
"Pero nangako ka sa 'kin, hindi ba? You promised me na tutulungan
