MONICA'S POV
Kakatapos lang magluto ni Clyde ng tanghalian namin ngunit wala pa si Sachi. Kanina pa kami hindi mapakali ni Lyca at gusto na nga namin siyang sunduin. Pinigilan lang kami ni Clyde dahil malaki ang paniniwala niya kay Sachi na kaya nitong ipagtanggol ang sarili.
Hindi naman kasi talaga maikakaila na malakas din si Sachi kahit na hindi pa niya nako-kontrol ang Special niya. Ngunit hindi ko pa rin maiwasan ang mag-alala. Sa sobrang bait kasi ni Sachi ay baka mahirapan siyang manakit ng iba para sa sarili niyang kaligtasan.
"Wala pa rin ba si Sachi?" tanong sa amin ni Clyde nang matapos niyang ayusin ang mga pagkaing niluto niya.
"Wala pa," walang emosyong sagot ko naman.
"Sunduin na ba natin, Monica?" tanong naman sa akin ni Lyca.
Hindi na ako nakasagot pa dahil bigla na
