Paunawa: Ang kabanatang ito ay naglalaman ng hindi komportableng paksa. Pagpatay, matinding sakit at pagpapahirap ay nakalahad dito. Maaari kayong lumipat sa susunod kung hindi ninyo ito nais.
SA ISANG malaking bulwagan sa masukal na baryo sa Gunma, Japan.
Isang lalaki ang humihiyaw habang hinahampas ito ng bakal sa likuran. Umaalingasaw ang masangsang na amoy ng dugo na tumutulo mula sa katawan nito. Nakapalibot dito ang grupo ng kalalakihan. Sa gitna nito ay si Kenichi. Naroon din si Master Takayama.
Matigas ang kanyang panga habang nakaupo at pinagmamasdan kung paano binibigyan ng parusa ang lalaki sa gitna.
“Ahhhh!” hiyaw muli nito nang muling dumapo ang makapal na bakal ng chain sa hubad na likuran nito.
Sumenyas si Master Takayama para saglit na itigil ng nagpaparusang lal
