-MONICA EUNICE-
Umaga pa lang ay nag-iiiyak na si Mat-mat at hinahanap ang papa niya. Mabuti na lang talaga ay mamaya pang 9 am ang pasok namin kung 'di ay baka late na ako sa klase. Katatahan lang ni Mat-mat sa pag-iyak at nag-imbento na naman ako ng mga dahilan. Ayoko mang magsinungaling sa kaniya pero kailangan.
"Best, maligo ka na. Ako na muna ang magbabantay kay Mat-mat," wika ni Liezel na naka-uniform na. Tumayo na ako saka umakyat sa taas.
Habang naliligo ako ay iniisip ko pa rin kung ano ang gagawin ko kay Mat-mat para lang makalimutan niya si Vincent. Halos hindi na nga ako nakatulog kagabi dahil sa nangyari. Mababaliw yata ako ng maaga! Nang matapos akong maligo ay nagbihis at nag-ayos na ako. Pagkababa ko ay nakita kong nandoon na si Nina.
"Ate Eunice, pasensiya na po dah
