"Holy, guacamole!" bungad sa kanya ng batang babae na halatang nagulat nang makita siya pagkabukas na pagkabukas nito ng doll house. Bilog na bilog ang mata nitong nakatingin sa kanya. Lumiwanag ang mukha nito nang makilala siya at kaagad na ngumiti.
"Why are you hiding here?" takang tanong nito.
"Get out, will you?" aniyang hindi napigilan ang pagsusungit.
Biglang namula ang mata nito at saka nanubig. Ang labi nitong kanina lang ay nakangiti ay tumiim at nagsimulang humikbi. Kinabahan siya bigla dahil baka pagalitan na naman siya ng Papa niya.
"Sorry, hindi kita inaaway. Ayaw lang kitang kalaro."
Tuluyang bumagsak ang malalaking butil ng luha nito at lumalakas ang paghikbi. Tinakpan niya agad ang bibig nito. "Wag ka ng umiyak. Makikipaglaro na," napipilitang sambit niya. Kita ni
