“IKAW ba talaga ‘yan, DB?”
Hindi makapaniwala si nanay sa nakikita niyang bisita namin ngayon.
Pagkatapos ng isang buwan ay tuluyan nang gumaling at nakalabas ng ospital si Asul, at dito talaga siya dumiretso sa bahay pagkalabas niya.
Tumayo si Asul at humalik kay nanay. Pinagmasdan ko silang dalawa. Parang kailan lang gulat na gulat din si nanay no'ng una niyang nakilala ang nauna.
“Kamusta po, Nay?”
“Susmaryosep! Ikaw nga!”
Hinawakan siya ni nanay sa pisngi at pinanggigilan ito. Natawa ako dahil napangiwi si Asul.
“Lalo kang gumwapo, anak!” Tumawa si Asul sa tinuran ni nanay.
“Salamat, nay.”
“Ay, teka. Maupo ka nga muna. ano ba'ng nangyayari? Nakakagulat naman na bigla kang nagpakita. Akala ko matagal mo nang kinalimutan itong si Endang ko.”
Napayuko ako. Sa totoo lang ay ki
