Ang ganda ng umagang nakagisnan ni Lara. Maaliwalas at tila ba nagsasaad ng isang magandang hinaharap. Ipinikit niya ang mga mata at ninamnam ang dampi ng pang-umagang araw sa balat.
“This is it, Lara!”
Nakangiti siyang nilisan ang terrace na kinaroroonan at nagbalik sa silid. Ingat na ingat siya sa paghakbang palapit sa kama. Ayaw niyang makalikha ng anumang ingay. Kapagkuwan ay inayos ang mga unan sa ibabaw niyon. Napangiti siya sa kanyang natunghayan. Lumuhod siya sa sahig upang magpantay ang mukha niya sa natutulog sa ibabaw niyon.
“Good morning, my little angel.”
Marahan niyang hinaplos ang mamula-mulang pisngi ng nahihimbing na apat na buwang sanggol. Her baby girl, Liyana Aurora. Bahagya itong kumislot at ngumiwi ngunit bumalik din sa pagtulog. Takaw-tulog ang anak niya at hind
