Palakad-lakad si Lara sa harapan ng bahay ni Vera. Nakatakip sa bibig ang magkasalikop na mga kamay. Sa utak niya ay mimimemorya ang mga pangungusap. Kagabi, habang nakahiga sa kama ay binabalangkas niya ang mga sasabihin kay Ma’am Vera.
“Kaya mo ito, Lara!" pagpapalakas niya sa sarili.
Bumuga siya ng hangin at naglakad papasok sa gate. Ilang segundo munang nakatayo siya sa harap mismo ng pintuan bago nagdesisyong kumatok sa pintuan. Itinaas niya ang kamao upang kumatok sa pintuan ng apartment nina Vera at Greg. Pero bago mag-landing ang nakatiklop na kamao sa hardwood ay bumukas iyon.
"Lara?"
Natulos siya sa kinatatayuan. Hindi si Vera kundi si Isabella ang nakatayo ngayon sa pintuan. In all beauty, sophistication and poise. Tila hindi nalipasan ng panahon ang kaharap. Maganda pa r
