Noong dumating na ang resulta ng DNA test at makumpirmang isa nga si Daddy Ramonsito sa lulan ng sasakyan niyang pinasabog ay tila muling namatayan si Romano sa ikalawang pagkakataon. Galit na galit siya habang labis-labis na nagdadalamhati.
Gusto ni Romano na sa bahay iburol ang labi ng Daddy niya pero hindi pumayag ang Mommy niya. Muntik na namang mauwi sa gulo ang pag-aagawan nila kung saan maibuburol si Daddy Ramonsito. Kaya sa huli ay napagdesisyunang doon na lamang sa funeral home ang burol.
“Kuya, mag-usap tayo. Excuse me lang, muna Rossa. Gusto ko lang makausap ng sarilinan si Kuya,” pakiusap naman ni Ronan sa akin.
“Ano’ng gusto mong pag-usapan? I don’t want my wife to go somewhere else. Dito lang siya sa tabi ko,” matigas na tanggi naman ni Romano sa gustong mangyari ng kapati
