“You need to gather more evidence against that woman. Pagkatapos ay ire-report natin sila sa CIDG at NBI,” utos ko sa mga detectives ko.
“Sir, sa palagay ni’yo po ba ay magkasabwat ang tatay ni Miss Rossa at ang Monica na iyan sa nangyari sa kaniya?” natanong ni Franklin. Napailing ako. Sa totoo lang ay gulong-gulo ako ngayon at hindi alam ang gagawin.
“I’m not sure. You must investigate further on this matter. At mag-ingat kayo. Kung malakas ang loob ng babaeng iyan na makapag-operate ng ganiyan, ibig sabihin ay may kapit iyan sa taas. Baka may mga parokyano pang pulis o matataas na tao iyan kaya kumpiyansa siyang gawin iyan,” banggit ko.
Bigla akong naawa sa asawa ko. Kung totoo ngang may alam ang Papa niya sa ginawa ng kabit niya kay Rossa ay talagang masakit iyon para sa asawa ko.
