Nagtaka ako. Bakit? Akala ko buong araw kami doon.
“Saan tayo pupunta?” Tanong ko sa kanya habang naglalakad kami palabas ng Aristocrata. Natapos ang ilang minutong pakikipag-usap nila sa mga customers. Halos puno na iyon ngayon dahil tanghalian na. Tinanguan na siya ng manager at nagsabing kaya na niya doon at makakaalis na kami.
Kaswal akong ngumiti sa kanya at nagpasalamat sa maayos na pagtanggap niya at ng ibang staff sa akin. Hindi pa naman ito ang huling pagkakataon na makakadalaw ako dito. There’s some other time.
“Uuwi na. Ihahatid na rin kita sa inyo.” Nagsalubong ang aking kilay sa nabasa. Uwian na agad?! Hindi pa nga ako sobrang nag-eenjoy tapos pinapauwi na niya ako?
“Teka, maaga pa!” Masungit siyang tumingin sa akin.
“Ano bang gusto mong oras na makauwi ka? Hatinggabi
