"And?" tanong ni Betty. Siya ang matalik kong kaibigan. Dito kami nagkakilala sa kompanyang pinapasukan ko. Interior designer rin siya pero magkaiba ang estilo namin.
"And what?" patay-malisyang tanong ko. Naikuwento ko sa kaniya ang nangyari sa amin ni Oscar noong nakaraang week-end.
"H'wag ka nang mambitin, okay? Alam mong ibig kong sabihin!"
"Gano'n lang 'yon. Wala nang nangyari."
"Magkasama kayo sa isang silid sa hotel, gano'n lang ang nangyari?" Tumaas ang boses niya sa inis.
"Shhh!" saway ko. "Baka may makarinig sa 'yo, iba pa ang isipin."
"Ay! Sorry! Sige na, ituloy mo na ang k'wento mo," anas niya. Kinalabit ako sa braso. Hinila niya iyong upuan at tumabi malapit sa akin.
Natawa ako sa ikinilos niya, lumabas kasi ang pagkanumero-unong tsismosa niya. Kidding aside, mukha lang
