MARTA'S POV
Pagdating namin sa bahay ng mga Boaz isang nakababasag na katahimikan ang sumalubong sa'kin. Hindi naman 'to ang unang pagkakataon na nakapunta ako dito pero ngayon ko lang napansin na parang haunted house ang mansyong 'to. Siguro dahil iilan lang naman ang nakatira dito. Si Mr. Pogi, si kuya Cyrus, si Manang Greta at si ate Naomi. Pero mas tahimik ngayon kasi wala na si ate Naomi at Manang Greta dito ngayon. Nasa ospital pa rin.
In fairness, napakalaki talaga ng bahay nila. Mayaman nga talaga si Mr. Pogi. May pagka-ancestral din ang design na may halong modern style. Sa sala ay mapapansin mo ang malaking family portrait na nakasabit sa malaking dingding. Portrait yun ng pamilyang Boaz at yung isa naman ay siguro pamilya ni ate Naomi, nandoon kasi siya sa litratro. Sa unang
