Imbes na sa loob ng bahay, sa gazebo idiniretso ni Sophie si Rob. Ayaw niya kasing makita pa ng Daddy niya si Rob. Baka kausapin pa ng Daddy niya si Rob kung sakali, magtagal pa ito sa bahay nila na ayaw niyang mangyari.
Marahan niyang inilapag ang dala nitong bouquet sa garden set na nasa gazebo bago siya sumandal sa balustre ng gazebo, ilang hakbang ang layo kay Rob.
Uncomfortable silence came afterwards. Nanatili si Rob na nakatayo at nakatitig lang sa kanya. Halatang marami itong gustong sabihin subalit hindi nito alam kung saan mag-uumpisa.
He turned to you to scratch his itch!
Umiwas siya ng tingin at kinagat ang kanyang pang-ibabang labi. Magkasabay na bumangon ang galit at sakit sa kanyang dibdib sa naalalang pag-uusap nila ni Rachel.
Masakit. Masakit isipin na para kay Rob
