Chapter 79
Ang tingin ni Jhie at Phriya sa kaniya ay kakaiba. Mukhang hindi naniwala ang mga ito sa kaniyang sinabi kaya’t ang tingin sa kaniya ng mga ito ay kakaiba.
Nang tumawa si Jhie ay sinundan iyon ni Phriya, ang klase ng pagtawa ng mga ito ay paputol-putol, hindi naman siya nagbiro pero bakit natawa ang mga ito?
Hindi talaga ang mga ito naniniwala sa kaniya!
“A-Alam niyo mahal na prinsesa, marami po talaga ang nagkakagusto kay Alexander Mitchell, kahit po nakakatakot siya at madalang pumunta sa mga pagdiriwang dito sa lost world ay hindi iyon naging dahilan para hindi siya pag-usapan ng mga kababaihan,” sabi ni Jhie.
Parang may kung anong naputol sa kaniyang sintido dahil sa sinabi nito. Pinanatili pa rin ni Robin ang ngiti sa kaniyang labi, ngunit hindi na ata ngiti iyon, kung
