Chapter 75
Hindi na nabilang ni Robin kung ilang araw na siyang namamalagi sa silid. Ang tatlong katulong na nagbibigay sa kaniya ng mga pagkain at nagbibigay ng mga damit na kaniyang susuotin ay hindi na rin pumupunta sa kaniyang silid.
Labis na pag-aalala ang nararamdaman niya dahil baka may nangyari nang masama sa mga ito. Naalala pa naman niya ang ilang beses na pagtatanong tungkol sa lugar kung nasaan siya, ilang beses rin niyang tinanong ang mga ito kung nasaan siyang palasyo.
Ang pangalan ng tatlong katulong ay hindi dapat ipaalam ngunit dahil mapilit siya ay sinabi ng mga ito sa kaniya. Ngayon ay nangangamba siya dahil hindi na niya nakikita ang mga ito.
Ang pumupunta na sa kaniyang silid ay dalawang babae na bago ang mukha ang hindi niya kilala.
“Nasaan na iyong tatlong katul
