Nanginginig ako. Mali, nangangatog ako habang tinatahak ang daan patungong House of Draco. Nadoble ang pagsusuplada ko sa mga nakakasalubong kong estudyante ng academy. Wala akong panahong makipagplastikan sa kanila lalo na't nanganganib ang buhay ko. Oo. Nanganganib ang buhay ko!
Mabilis kong inakyat ang ikalawang palapag ng House of Draco kung saan naroon ang kwarto ng bulol kong amo. Mabuti na lang at kabisado ko ang malanding amoy ni Sasha kaya hindi na ako nahirapang hanapin ang kinaroroonan nito. Naabutan ko itong nakatanaw sa palubog na tala habang nakaupo sa gilid ng kanyang kama. Hindi ako nito napansin, o mas mabuting sabihing hindi ako nito pinansin.
"Sasha!" malakas kong sigaw dahilan para magulat ito at maputol ang pagmumuni-muni.
Tila nakuryente ang katawan nito at awt
