LAUREN'S P.O.V
ISA-ISANG nagdatingan ang mga kamag-anak ni Daddy makalipas lamang ang dalawampong minutong makaalis si Mr. Xen. Abalang-abalang na ang mga tauhan sa mansion ni Daddy sa pagtanggap ng mga bisita.
Mula sa veranda ay nagtataka lamang ako habang nakatingin sa mga taong dumadating. Hindi ko alam na ganoon kahanda si Daddy para dito. Nagulat na lang ako na maraming tauhan sa labas na nag-aayos ng mga tent sa garden.
Walang sinabi si Daddy kagabi na mayroong paghahanda kinabukasan. Ang sabi lang nito ay dadating ang mga kamag-anak niya mula sa iba't ibang lugar.
"Nandito ka lang pala, kanina ka pa hinahanap ng ama mo!" malakas na bungad ni Zia na papalapit sa akin.
"Baba rin ako mamaya Zy, medyo nagtataka lang kasi ako sa pinaplano ni Daddy. Tingnan mo naman oh' abala ang la
