HARRIET'S POINT OF VIEW
"AH!" Napangiwi ako ng bumagsak ako sa matigas at malamig na sahig. Nagpalinga-linga ako pero wala akong ibang makita kundi ang isang malawak na bulwagan na kinalalagyan ko ngayon.
'Nasaan ako?' Tanong ko sa sarili ko.
Magkakasama kaming pumasok sa loob ng mabuksan na ang tarangkahan ng lumang palasyo. Pero, hindi ko inaasahang mag-iisa lamang ako.
"Teleportation Array?" Tanong ko muli sa sarili ko ng mapagtanto ang mga pangyayari at ang kakaibang liwanag na siyang bumabalot sa pasukan ng palasyo.
Lihim akong namangha sa aking natuklasan. Nagpalinga-linga akong muli at pinalakbay ang aking mga mata sa bulwagan na puno ng mga kakaibang guhit at salita. Mayroon ring nakalinya't naglalakihang mga estatwa sa gilid na animo'y totoo at buhay. Nakaramdam ako ng t
