"What the fvck?" utas ko nang sa pagbaba ni Shantal sa kotse ay iba na ang damit niya.
Kanina lang ay suot pa nito ang kaniyang sweatshirt. Galing kami sa bahay ni Leo at Venice para maghanda sa kasal nila. Iba ang damit niya kanina, ngayon ay hindi ko alam kung saan niya kinuha ang bandanang suot-suot niya na ngayon. Panyo na ginawang damit? Nangitngit ako sa galit lalo pa nang makita ang excitement sa mukha niya.
"Okay ba?"
Umawang ang labi ko, kasunod nang pag-igting ng panga ko. Kung ako ang tatanungin— yes! Oo! Okay na okay! Okay siya sa akin kung kami lang dalawa ang magkasama pero lintik dahil sa bar ang tungo namin ngayon.
Titig na titig ako kay Shantal. Literal na ipinapakitang galit ako ngunit kahit katiting na takot ay hindi ko nasilayan sa kaniya. Bagkus ay mas lalo pang lu
