Napahinga ako nang malalim. Well, kasalanan ko naman. Inaamin ko naman. Sino bang hindi magagalit sa akin? Dalawang beses ko siyang itinanggi sa mga katrabaho ko. Pero ano bang dapat kong sabihin, right? Na boyfriend ko siya kahit hindi naman dapat?
Mas mali iyon 'di ba? May mali ako pero tingin ko naman ay tama lang iyong sinabi ko. Nagkataong mali lang ako ng sinabihan... si Janno. Dahil sa pag-aakala ni Brandon na binibigyan ko ng pag-asang makalapit sa akin si Janno. Pero hindi iyon ganoon.
Ano man din sigurong paliwanag ko ay hindi iyon makukuha ng ilan. Bandang huli nang magkibit na lamang ako ng balikat. Sana lang ay hindi na ito tumagal pa. At sana man lang, 'no? Magawa akong i-text ni Brandon para hindi naman ako nag-o-overthink.
Ngunit kung sabagay, bakit nga naman ba niya kai
