Kumatok siya sa pinto ng kuwarto ni Amaury. Gusto niya itong makausap at ibigay na rin ang ginawa niyang crochet stuffed octopus. Binalot niya pa iyon upang kahit papaano ay ma-surprise ang binata. Ini-spray niya rin ng pabango niya iyon. Halos dalawang gabi ang ginugol niya para matapos ang ginantsilyong octopus na iyon. Kulay pink ang ginamit niyang yarn. Sana magustuhan niya kahit pink ang kulay nito.
"Hi!" bungad niya rito, nang buksan nito ang pinto.
Hindi man lang siya nito binati pabalik. Nakakainis talaga ang unggoy na ito. "Puwede ba akong pumasok?" tanong niya.
"Why?" Talagang itatanong niya pa? Bwiset talaga! Wala talagang pagbabago ang cold-hearted na unggoy na ito.
"Papasukin mo na muna kaya ako, pati kuwarto mo pinagdadamot mo, tabi nga!" Tinulak niya ito para makapaso
