Balak niyang surpresahin ang mga tao sa mansion kaya hindi niya sinabi na babalik na siya ng mansion ngayong araw. Si Lilia lamang ang tanging nakakaalam na babalik na siya ng mansion.
"Lilia, uuwi ako ngayon riyan sa mansion, huwag ninyo pong sabihin kina Grandma Estrella, ha?" pakli niya sa kabilang linya.
"Susunduin mo ako sa NAIA? Baka may trabaho ka, mapagalitan ka ni Grandma. Sige, sige po. Kita na lang po tayo mamaya ro'n," pakli niya rito, saka pinutol niya na ang tawag.
"O, ano raw ang sabi?" tanong sa kaniya ni Aling Fe, habang nakaupo sila sa balkonahe.
"Susunduin niya raw po ako sa NAIA," tugon niya.
"Mami-miss ka namin, Deanna," sambit ni Aling Maria. Naroon ang lahat ng kapitbahay nila sa balkonahe para makita siya, bago siya umalis papuntang Bicol International Air
