"Bakit parang ang lungkot mo ngayon? May nangyari ba?" bungad sa kaniya ni Kendra pag-upo niya sa tabi nito.
"Wala naman," malamig na tugon niya rito. Hindi niya alam kung bakit parang apektado siya sa sinabi ni Amaury kanina. Iniisip niya na lang na dahil siguro sa buong akala niya rin ay hindi nito gusto si Claire. Iyon kasi ang alam ng buong estudyante at nakita niya rin kung paano ito i-ignore ng binata.
"Narito ang Campus Hellcat!" sigaw ng isang estudyante sa labas ng kanilang room, kaya napalingon sila.
"Campus Hellcat? Sino 'yon?" takang tanong ni Kendra.
Biglang isinara ang pinto ng isa sa mga kaklase niya dahil lahat ng nasa labas ay gustong pumasok sa room nila. Alam niyang siya ang tinutukoy ng mga ito.
"Ano bang nangyayari?" kunot-noong tanong ng isa sa mga kaklase n
