"Oh bakit mukhang nagulat ka yata Janna Mae? Ah siguro naman alam mo na kung bakit kasama ko ngayon si Janna," nakangising turan niya kay Janna Mae. Mababakas ang pagkagulat at pagkabalisa nito.
Bumaba siya ng kotse at nagtungo sa kabilang pinto para alalayan si Janna sa pagbaba. Nakangiti naman itong nagpasalamat sa kanya tsaka bumaba.
"J-Janna, anong ginagawa mo dito?" tanong ni Janna Mae kay Janna na bahagyang nanginginig ang boses.
"Hindi ba dapat ako ang magtanong niyan sayo?" balik tanong nito kay Janna Mae.
"Excuse me?! Mukhang nakakalimutan mo yata na ako ang fiancee ni Cedrick, o baka may balak kang agawin ang boyfriend ko!" matapang na pahayag ni Janna Mae pero halata ang panginginig ng boses nito.
"Pwede ba Janna Mae, kahit ngayon lang, kahit sa harapan ko man lang amin
