Maaga ngang nagpahinga si Janna sa kanyang silid na tinutuluyan kinagabihan. Hindi pa rin kasi nawawala ang bigat ng kanyang dibdib dahil naiisip niya ang mga sinabi ng doktor. Lubos din ang kanyang pag-aalala kung papaano na nga ba sila makakalampas sa ganoong sitwasyon ni Cedrick. Pero dahil ito mismo ang humiling na magpatuloy sila at lumaban sila hanggang dulo kaya naman nagkaroon siya ng lakas ng loob na pumayag sa nais nito lalo pa at mahal na mahal naman talaga niya ang lalaki at hindi niya kayang mawalay pa rito.
Iyon nga lang nagpaalam na sana siyang babalik sa bahay ampunan dahil nga talagang sa tingin niya ay wala na siyang pag-asa. Malala na ang kanyang sakit kahit naman hindi pa siya nagpapa-doktor Alam na niya na sobrang nilamon na siya ng kanyang karamdaman. Batid niya na
