SPECIAL CHAPTER 2
Sina Javin, Blaze at Gaige ay katatapos lamang maglaro ng basketball. Madalas nilang tambayan ang bahay nila Javin at madalas na nauutusan si Jylyn na magdala ng meryenda nila kahit napipilitan lamang kaya laging busangot ang mukha nito kapag nagdadala ng meryenda sa kwarto ng nakatatanda niyang kapatid na si Javin.
"Thanks, bunso." Malambing na sabi ng kapatid nito.
"Nakasimangot ka nanaman. Sige ka papangit ka niyan." Biglang pagbibiro ni Blaze dito na ikinatawa lamang ni Gaige at inirapan naman ni Jylyn.
Sanay na sila sa ugaling ganoon ni Jylyn dahil alam nilang ayaw nitong masyadong maingay pero kapag nasa bahay nila sina Blaze at Gaige, hindi pwedeng hindi magkaroon ng ingay.
Nasa living area lamang si Jylyn nanonood mag-isa ng disney movie titled Monsters Inc.
