Matapos ‘yung party, mabilis na ring nag-alisan ang mga tao. Si Alden, umalis agad pagkatapos ng isang inumin, at dahil wala na ‘yung inaabangan nila, unti-unti nang nagsiuwian ang mga bisita.
Habang pinapanood ko silang umalis—walang kahit isang lumapit o nagsalita sa akin, pero pansin ko yung mga titig nila—napaisip ako: Ano bang punto ng party na ‘to?
Bakit kailangan ni Kent na ipakilala ako kay Alden sa harap ng napakaraming tao, imbes na sa private lang? Parang hindi naman ‘to para sa akin. Parang gusto lang ipakita ni Kent na may ganitong sitwasyon—na nariyan ako at hawak niya ako.
Tinitingnan ko ‘yung singsing sa daliri ko, iniikot-ikot ko habang nilalaro sa liwanag. Kahit nakapagpalit na ako ng leggings at comfy na sweater—na hindi ko maintindihan paano’t lagi na lang biglang ma
