Paglabas namin sa tent ay napasinghap ako sa dami ng taong naririto. Punong-puno ang venue at halos magsiksikan na ang mga tao sa kapal nilang naririto. Dito sa likod ng malaking stage ay ang kinaroroonan ng mga tent gayun din ang mga tauhan ng bawat miyembro ng partido. Maya-maya ay lalong humigpit pa ang seguridad dahil sa pagdating ng presidente at ng mga kaalyado at tauhan nito. Nasa tabi niya si Kiara na maluwang ang pagkakangiti.
Nang matuon ang pansin nila sa amin ay agad akong umatras at sumama sa mga kasamahan kong narito.
“VP Sander! Tingnan ni’yo nga naman, napaka-guwapo ng susunod nating bise-presidente, hindi ba?” bulalas na tanong ng pangulo. Nagkatawanan at sumang-ayon naman ang lahat.
“Magkakaroon ka ng mga magaganda at mga guwapong apo, sir, kapag nagkataon!” segunda na
