Pagkatapos namin na magtalo ni Kuya Carnell ay siyang pagsulpot ng isang kawal na nakasuot ng pilak na uniporme. Hindi ko alam kung gaano katagal na siya naroroon pero wala niisa sa amin ang nakaramdam sa kanyang paglapit.
Ngunit base sa kulay ng kanyang uniporme ay isa siyang espesyal na knight na nasa ilalim ng pamumuno ng hari. Sila ang mga tipong gumagawa ng mga sikretong gawain o utos mula sa hari. Masama man ito o hindi ay handa nila gawin ang mga trabahong ibinibigay sa kanila basta utos ito ng kanilang hari.
Naging maalerto sina Kuya Carnell at Warrick dahil sa pagsulpot ng kawal na iyon sa harapan ko.
N-Ngunit ano ang dahilan para mismo ang espesyal na knight na katulad niya ang lumapit sa akin?
"Miss Ada, sumunod na po kayo sa akin... Malapit na po ang oras ng inyong paghara
