“I don’t understand what you are talking about,” sambit ko. Hindi malinaw sa akin ang huling sinambit niya. Mukhang hindi alam ni Albeles kung paano niya ipapaintindi sa akin ang sinabi niyang iyon. “Look, I don’t have time to jokes right now and it is not appropriate to joke on that kind of matter to me,” dagdag ko pa.
“Naaalala mo pa ba kahapon noong sinabi ni Lolo na kailangan mong magbigay ng sakripisyo para sa bagay na ibinigay niya sa’yo kagabi panglaban sa diyablo? Iyong sinulat mo na pinaka-mahalaga sa buhay mo.”
Napaisip naman ako sa tinatanong niya sa akin. May parte sa akin ngayon na ayaw nang sagutin ang tanong niya dahil pakiramdam ko ay hindi ko magugustuhan ang mga susunod pa na sasabihin niya. Hindi ako handa na marinig pa ang masamang balita. Hindi na kaya pa ng utak ko
