Nagpunta kami ni Byron sa cafeteria at pinainom niya ako ng tubig para daw kumalma ako pero hindi ko naman magawa na ikalma ang sarili ko ngayon. Hindi ko dapat pairalin ngayon ang takot ko at kailangan kong maka-usap ang babae kanina. "I am fine now. I need to find someone," paalam ko kay Byron. Hindi na niya ako nagawang pigilan pa nang bigla na lang ako na umalis para hanapin ang babae na nag-drawing ng mga 'yon. Kailangan ko siya na maka-usap ngayon mismo at hindi ako matatahimik hangga't hindi nasasagot ang lahat ng katanungan sa utak ko ngayon.
Bumalik ako sa gym kung saan naganap ang mini program para sa akin kanina. Wala na ang mga estudyante at nililinis na rin ang lugar. Lumapit naman ako sa dean namin dahil naabutan ko pa siya na naroon. Bakas naman ang pag-aalala niya sa akin
