"Okay luto na!" masayang sabi ni Rycen sabay hain ng estofado, relyenong bangus at chicken soup sa hapag-kainan, "Masarap yan nay, ninang! Kain na po tayo," alok nya sa amin ni Mila sabay turo sa mga ulam sa lamesa.
Nang makaupo na kaming tatlo ay nagsimula na kaming kumain and just as expected ay nagkatinginan kami ng kaibigan ko.
Ang sarap talaga ng luto ni Rycen, Parang hindi isang eight years old ang nagluto kundi isang chef sa restaurant.
"Masarap po ba ninang?"
Tumango naman si Mila sabay lunok, "Masarap Rycen. Sa school mo ba natutunan magluto nyan?"
"Opo! Buti pumayag si nanay na sumali ako sa Culinary Club kasi mahal yung fee eh," sagot nito sabay ngiti ng matamis sa akin.
"Mabuti naman at may natututunan ka anak at napapakinabangan pa dito sa bahay. Ipagpatuloy mo yan para
