Nathan's POV
“Raul! Mauna na kayo sa base!” Utos ko sa kanya nang magpasya akong balikan si Tamara. Hindi ko siya pwedeng iwan na lamang habang nakikipag-barilan sa mga kalaban dapat namin na bigla na lamang sumusulpot sa kung saan.
“Anak ka ng— Nathan! Kapag hindi ka sumunod doon. Humanda ka sa akin!” Narinig kong sigaw pa niya bago ako lumabas sa pinto ng kotse.
Lumingon pa ako kay Jheny at tumango sa kanya. Nakita ko ang pag-aalala sa mukha niya. Malaki ang tiwala ko kay Raul at kapag nasundan kami ng kalaban ay balewala din ang lahat ng ginawa naming pagtakas sa kanya.
Mabilis naman ang naging pagkilos ni Raul at kaagad na pinaandar ang kotse. Umatras pa ito para bumwelo nakaalalay naman ako sa likuran nila habang nagtatago sa ilang kotse na nakaparada. Nakita ko ang lalaking wa
