Nathan's POV
Papunta na ako sa hide-out sakay ang bangkang de motor na ni-rentahan ko mula sa daungan. Malaki ang pasasalamat ko kay Manong Loloy, siya ang mangingisda na nakapulot sa akin habang palutang-lutang ako at nakasakay sa kapirasong troso sa malawak na karagatan. Inalagaan niya ako at tinulungan na maipagaling. Hindi ko akalain na mabubuhay pa ako matapos ng nangyari sa’kin. Mabuti na lamang at daplis lang sa katawan ang naging tama ko. At nakatalon kaagad ako bago sumabog ang motor boat. Kung hindi, baka nagkagutay-gutay na ang aking katawan at naging pagkain ng mga isda sa dagat.
Malayo pa lang ako ay tanaw ko na ang dalampasigan ng isla. Ngunit may napansin akong mga nakadaung na dito. Bigla akong kinabahan imposible na mula ‘to sa special arms forces unit. Iniba ko nang da
