Makalipas ang halos tatlumpung minutong biyahe, huminto ang van sa harap ng isang bakod na gawa sa matibay na bakal, napapalibutan ng makakapal na punong-kahoy at mga halaman. Ang paligid ay malamig, tahimik, at tila malayo sa kahit anong sibilisasyon.
Pagbukas ng gates, lumantad sa amin ang isang malawak na bakuran. mMalinis ang pagkakatanim ng mga damo, may fountain sa gitna, at sa dulo'y isang malaking bahay na parang modernong cabin. Gawa ito sa dark wood at tinted glass, may mga ilaw sa loob pero hindi sobra sakto lang para sa isang lugar na nais manatiling lihim.
Nagulat ako. Ito ba ‘yong safe house?
Hindi ito mukhang hideout. Mukha itong... private sanctuary ng mayayaman.
"Welcome to Sanctuary House," bulong ni Caitlin habang bumababa ng van. "Athena designed this herself."
Pum
