Lumipas ang isang linggo matapos ang naging tapatan sa family dinner. Sa loob ng pitong araw na iyon, tila mas naging mabilis ang takbo ng mundo para kina Marcelito at Iridessa. Dahil sa pag-aalala ng Don, hindi na muna niya pinayagan ang dalaga na pumasok sa opisina; sa halip, ang mga head ng Callantes Corp ang pinapapunta niya sa penthouse para doon mag-report, basta’t huwag lang mapagod ang kanyang reyna.
Isang hapon, habang malakas ang ulan sa labas at humahampas ang hangin sa malalaking salamin ng penthouse, nakaupo ang dalawa sa malambot na carpet. Nagkalat ang mga wedding catalogs at ilang sample ng mamahaling tela para sa gown ni Iridessa. Pero sa pagkakataong ito, hindi trabaho ang inaatupag nila kundi ang bawat detalye ng kanilang mabilisang pagpapakasal.
"Marcelito, tingnan mo
