Habang lugmok si Iridessa, kabaligtaran naman ang nangyayari sa Villa ni Elena.
Bumalik si Triton. Mas pinili niyang iwanan ang asawa, kaysa ayusin yung gusot nilang dalawa. Isant mapanuring ngiti ang sumilay sa mga labi ni Elena nang makita siya. Alam niya na nagtagumpay siya. Ang magulong itsura ni Triton at galit sa mga mata nito ay sapat nang ebidensya na nagkaroon ng pagtatalo sa mag-asawa.
“Bumalik ka,” malambing na sabi ni Elena habang dahan-dahang lumapit kay Triton. “Sabi ko na nga ba, hindi mo ako matitiis.”
Nanatiling tahimik si Triton, ngunit hindi rin siya lumayo nang yakapin siya ni Elena sa baywang. Ang amoy ni Elena ay nanunuot na naman sa kanyang ilong at bumabalot sa kanyang sistema.
“Bakit ganyan ang mukha mo? Inaway ka ba ni Iridessa?” Tanong niyang kay Triton.
“A
