Isang panibagong umaga ang bumungad kay Isabela. Ngayon ay nakaharap na siya sa kaniyang salamin habang pinagmamasdan ang sarili. Matagal tagal din na hindi niya nakita ang tunay na itsura niya dahil sa pagpapanggap niya bilang si Atasha. Na-miss din niya ang pagsuot ng kaniyang salamin sa mata, at mas komportable pa rin siya dito kaysa sa contact lens. At ngayon nga ay balik na siya sa pagiging si Isabela, ang secretary ni Uno. At dahil isa na lamang ulit siyang empleyado, maaga siyang gumising upang hindi na ma-late pa sa trabaho.
Ang totoo nyan ay masama ang pakiramdam niya. Ngunit ayaw na niyang i-extend pa ang leave sa trabaho kaya pipilitin niyang pumasok ngayon. Hindi na lamang niya ipapahalata sa ina na may sakit siya upang hindi siya pigilan nito.
“Anak, nakahanda na ang almusal
