Sa buong buhay ko, ngayon lamang ako natuwa at na-excite ng sobra sa weekends. Pakiramdam ko kasi ay makakahinga ako ng normal sa loob ng dalawang araw na walang pasok sa school. Hindi dahil sa dami ng pinapagawa o sa hirap ng mga lessons, kung ‘di dahil kay Ridge na hindi ko makikita sa buong dalawang araw. Hindi masisira ang buong maghapon ko dahil hindi ko siya makikita at hindi niya ako mabubwisit.
Maaga akong umalis ng bahay at nagpaalam kay Nanay para magtungo ng maaga sa convenience store ni Ninang Nelly, kung saan ay nagtatrabaho ako bilang part timer tuwing weekends. Dala ko ang mga libro ko na siyang libangan ko sa tuwing walang customer sa store.
“Good morning, Ninang!” masayang bati ko kay Ninang Nelly pagkadating ko sa convenience store niya. Naabutan ko si Joyce doon na siy
