Hindi ako makapaniwala na kusang loob na pumasok si Ridge sa klase namin. Pagkaalis pala niya kanina sa clinic ay dito siya dumeretsyo sa classroom. Sobrang saya ko na sana kaso, iyon nga lang at pagkatapos ng klase namin sa subject na pinasukan niya ay nawala na rin ito sa tabi ko. Tila pinagbigyan lang talaga niya ako kaya siya pumasok sa isang subject namin at pagkatapos no’n ay hindi ko na siya mahagilap pang muli sa buong campus.
“What? So, you mean… kailangan mong tulungan si Ridge sa studies niya para makuha mo ‘yong full scholarship na ipinangako sa iyo ni Mr. Odin Mackzon para sa pagpasok mo sa college?” mahabang pag-ulit ni Kiara sa sinabi ko sa kanya kanina.
“Oo, ganoon na nga,” tugon ko sa kanya. Kasulukuyan kaming nasa food court at sabay na nagla-lunch.
“Wow. Amazing! Nap
