KABANATA 67
Halos buong gabi ay hindi nakatulog si Kenji sa kakaisip kay Dolly. Hindi na siya makapaghintay na makasama ito. Napatingala siya sa kalangitan habang pinapakiramdaman ang natutulog niyang anak sa kanyang likod. Ilang beses siyang kinausap kanina ni Ysmael pero para siyang lutang dahil wala itong ibang naiisip kundi ang paggising ni Dolly. Kasama niya ang anak niya pero hindi niya matanggal sa isip niya ang mangyayari sa babaeng mahal niya. Ilang beses pa nga siyang tinawag ni Ysmael kanina dahil hindi siya nito pinapansin. Masyado siyang lutang sa mga nangyayari sa paligid niya at kahit ang anak niya ay nakakalimutan niyang kasama niya.
Muli niyang naalala ang eksena ni Miguel kanina at ng pamilya ni Dorothy. Labis na lungkot ang naramdaman nila dahil sa paulit
