NAGING ABALA ang mga kasambahay at ibang mga tauhan nina Thisa at Daniel, para sa paghahanda ng pa-surprise ni Daniel sa asawa. Lahat rin sila ay tuwang-tuwa sa magaganap na Party sa mansion. Nilinis na mabuti ng mga Hardenero at ibang mga kasambahay ang malawak na garden at nilagyan ng mga decoration ang Lanai. May mga ipinabili rin si Daniel na mga halaman na namumulaklak, para mas magandang tingnan ang garden kapag maraming makikitang mga bulaklak sa paligid. May mga Fairy lights rin silang inilagay sa gitna ng mga halaman, para pailawin ito sa gabi ng Party.
Patapos na sina Dodong at Teban sa pag trim ng mga halaman ng biglang humarurot ang maliit na Ferrari ni Lib, patungo sa gawi nila. "Si Ms. Lib, sasagasahan tayo!" sigaw ni Teban, habang naka turo ang hintuturo nito sa pink Ferrar
