Jezer
"Salamat sa paghatid sa akin, Pheo." Ngumiti ako sa kaniya matapos niya akong pagbuksan ng pinto ng kotse at alalayan pababa.
"You're always welcome, Jezzy." Ngumiti siya pabalik.
Bumaling ako sa bahay, wala na naman ang kotse ni Kosovar. Hindi na bago iyon.
"Salamat talaga, hindi mo naman ako kaylangang ihatid araw-araw, Pheo."
"Jezzy, I want to take care of you."
Napalunok ako nang hawakan niya ang kamay ko at hinila palapit sa kaniya. Tinaas niya ang baba ko at matamis na ngumiti sa akin. Ang isa niyang kamay ay maingat na lumapat sa bewang ko at mas hinapit ako palapit sa kaniya. Hindi ako agad nakakilos dahil sa pagkabigla sapagkat ngayon lang siya gumawa ng ganitong galaw.
Marahan niyang hinawi ang nakaharang na buhok sa itsura ko, dahan-dahang bumaba ang tingin niya sa
