BERNADETTE
Kahit ayaw ni Fernan na nandito ako nagtiyaga akong naghintay. Pinagtatabuyan niya ako kanina, ngunit hindi ako umalis. Gusto kong malaman ang kalagayan ni Mommy Lilly. Hindi ako tumigil sa pagdarasal na maging mabuti ang kalagayan niya. Ayaw ko siyang mawala dahil siya na lang ang nagmamahal sa akin.
Ramdam ko ang gutom dahil kanina pa kumukulo ang tiyan ko at nauuhaw na rin ako, ngunit mas nangingibabaw sa akin ang pag-aalala sa kalagayan ni Mommy Lilly. Mamaya na lang siguro ako kakain kapag nakita ko na siya.
“Water?” Isang baritonong boses ang narinig ko sa bandang gilid ko. Napalingon at bumungad sa aking harapan ang isang bote ng tubig. Napatingala ako sa taong may hawak niyon. Isang lalaking matipuno ang katawan at masasabi kong may hitsura ang lalaki. Umiling ako sa
