BERNADETTE
May pag-iingat na pinihit ko ang seradura ng pinto. Pumasok ako sa loob. Napahinto ako sa paglalakad nang mapansin ang isang babae. Nakaupo sa isang sulok. Si Mommy Lilly ay nakasandal sa headboard at may binabasang magazine.
“Mommy Lilly. . .” tawag ko rito. Napalingon siya sa akin. Malawak siyang ngumiti at agad na nilahad ang dalawang braso sa akin upang magpayakap. Agad akong lumapit at niyakap siya nang mahigpit. Masaya ako dahil okay na siya. Ang akala ko iiwan niya rin ako.
“Inaway ka ba Fernan?” tanong ni Mommy Lilly sa akin nang maghiwalay kami sa pagkakayakap. Natigilan ako sa tanong niya. Anong sasabihin ko? Palagi naman akong inaaway ni Fernan. Umiling ako. Tiningnan niya ako na tila hindi naniniwala sa sinabi ko.
“Hindi ako naniniwala. Alam kong ikaw ang sini
