"Teka boss? Bakit parang good mood ka nitong nakakaraang araw? May maganda bang nangyari?" Sinilip ni Layla ang mukha ko habang nagpupunas ng lamesa.
Napatawa ko at napangiti bago siya sagutin. "Dahil sa aksidente, naaalala na ko ni Jayson," malambing kong kwento.
"OMG!" Maarte niyang tinakpan ang kanyang bibig saka kilig na kilig na lumapit sa akin. "Nagsasama na ba kayo? So tama si Jack? May inuuwian ka na kaya hindi ka na dito natutulog?" Tinapik-tapik niya ko at gulat naman akong napatingin kay Jack, na ngayon ay umiiwas agad ng tingin sa akin.
"Ang tsismoso ha?" Pagpaparinig ko.
"Boss, napansin ko lang naman. Akala ko nakipagseryosohan ka na kay Miguel mo. 'Di ko naman inakala na magkakabalikan pa kayo ni Jayson," paliwanag ni Jack.
"Hay nako, kayong dalawa talaga." Mabilis akon
