Naalimpungatan ako sa hapdi na dala ng sinag ng araw na dumadampi sa mukha ko. Kinusot ko ang mata ko at babangon na sana nang maramdaman kong may mabigat na nakadagan sa may tiyan ko at mainit na hininga na dumadampi sa kaliwang tenga ko. Napamulat ako bigla nang maalala ko kagabi. Dahan dahan kong nilingon ang taong nasa tabi ko ngayon at namilog ang mata kong nakita si Henry na natutulog.
Dahan dahan kong inalis ang kamay niya sa tiyan ko pero binabalik niya parin na parang ayaw paistorbo sa tulog. Luminga ako sa paligid at kita ko naman na tulog pa ang iba at gayon din ang kagrupo ko kaya kinuha ko ang pagkakataong iyon na makawala dito at kung hindi ay magiging problema itong haharapin namin.
"Five minutes more, please." Paos niya sabi at lalong hinigpitan ng loko ang yakap sa tiyan
