REM
Tumingin ako sa dalawang lalake na kasama ko na malapit na yatang matapos sa kanilang ginagawa. Pagkalipas pa ng ilang minuto ay natapos na rin nilang tingnan ang lahat ng basura na nandoon sa lugar na 'yon, pero wala talaga ang hinahanap namin.
Isang malalim na buntong hininga ang pinakawalan ko. Kung mahanap lang sana namin ang bagay na 'yon ay maaari na kaming pumunta sa kanluran kasama si Tyrion. Kaya lang, pati paghahanap sa bagay na 'yon ay hindi namin makita. Dapat kasi ay tinatabi sa maayos na lugar ang bagay na 'yon para hindi mawala.
Kung sabagay, may nangyari nga pa lang hindi maganda sa mga higante. Kung hindi lang dahil kay Jade ay baka nakarating na kami sa kanluran ng ligtas kasama si Tyrion. Kaya lang ay wala talaga e. Hindi namin mapipilit ang nakatadhana nang ma
