TYRION LANNISTER
"Indibila Rexas?"
Natigilan kami sa pagkukuwentuhan nina Rhea at Rosanna nang biglang lumingon sa amin si Aurora. Pansamantala muna kaming tumigil sa paglalakad at binalingan din siya ng tingin.
"Saan mo narinig ang tungkol sa kanila?"
Nakaramdam ako ng pagkailang dahil sa uri ng titig sa akin ni Aurora. Parang bigla akong napasok sa isang interrogation room. Tss.
Nagkamot na lang ako ng aking batok at pasimpleng tumingin sa direksiyon ni Rhea na tila natigilan din dahil sa seryosong boses ni Aurora.
"H-Hindi ba sinabi ko na kahapon na may kasama ako at hindi umaalis sa tabi ko? Hanggang ngayon ay nandito pa rin siya at Rhea ang pangalan niya. Sabi niya ay kasama siya sa grupong Indibila Rexas."
Bahagyang nag-iba ang expression ng mga mata ni Aurora pagkatapos
